۱۳۹۸ فروردین ۲۰, سه‌شنبه

بەتێرۆریست ناساندنی سپای پاسدارن و لێکەوتەکای


شاهۆ حوسینی
پێشەکی:
لەدرێژەی ڕووبەڕوو بونەوەکانی حکوومەتی ئەمریکا  کە لەپاش هاتنە سەرکاری دۆناڵدترامپی نێئۆکان ڕۆژ بەرۆژ بەربڵاوتر و تووندتر دەبێت، لەپاش هاتنە دەری ئەمریکا لە ڕیکەوتنی ناوەکی(بەرجام)، ئەمجارە وزارەتی دەرەوەی ئەمریکا سپای پاسدارنی ئێرانی خستە ناو لیستی ڕیکخراوە تێرۆریستێکان، ئەو کردەوەیەی ئەمریکا دەتوانێ مانا و  لێکەوتەی گرینگی هەبێت، بێ گومان شرۆڤەی ئەو مانا و لێکەوتانە بەبێ شرۆڤەی ئانتۆلۆژی سپای پاسدارن ناتوانێت شرۆڤەیەکی ڕوون بێت.
ئانتۆلۆژی سپای پاسدارن:
سپای پاسدارن وەک هیزێکی نیزامی-ئایدۆلۆژیک بەرهەمی ئایدۆلۆژی حکوومەتی ئیسلامیە کە لە ئاستی سیاسی کۆماری ئیسلامی لێکەوتۆتەوە. لەهەر وڵات و کۆمەڵگایەک‌دا هێزگەلیکی نیزامی هەن کە هەر کامە کارکرد و ئەرکێکی تایبەتیان هەیە، بۆ وینە هێزی نیزامی پۆلیس ئەرکی پاراستنی ئەهوەنی لەناوخۆی هەر وڵاتێکی لە ئەستۆیە، ئەرتەش ئەرکی پاراستنی سنوورەکان و بەربەرەکانی لەگەڵ هەڕەشە دەرەکێکانی لە ئەستۆیە، بەڵام بەدەر لەو هێزانە لە ئێران و لەپاش سەرکەوتنی شۆرشی گەلان، هێزێکی تری نیزامی بە ناوی سپای پاسدارن بەدی هات کە ئەرکی ئەو پاراستنی شۆرش و دەسکەوتەکانی شۆرش پیناسە کراوە، هەر بەو پێیە و بە پشتیوانی ئەو پیناسەیە بەستێن،  سنوور و جوغرافیای کارکردی ئەو هێزە نیزامیە بەربڵاوە، بەشیوەیەک کە نەتەنیا بەستینی نیزامی کە لە بەستێنەکانی سیاسی، ئابووری، کلتووری وکۆمەڵایەتیشا ئەرک دەگێرێت، نەتەنیا لە ناوخۆ و لە سەر سنوورەکان کە لە دەرەوەی سنوورەکانیش ئەرکی پێ‌سپێردراوە. بەربەرەکانی سپا لەناوخۆ لەگەڵ چالاکانی مەدەنی، رۆژنامەوانان، چالاکانی ژینگە پارێزی، لە دەرەوە لەگەڵ دژبەرانی کۆماری ئیسلامی، تێرۆری دژبەران و هەرەشە و هێرش بۆسەر ئامانجە ستراتژیکەکانی وڵاتانی رۆژئاوایی، ئەمریکا و ئیسرائیل، بەشداری لە پرۆژە ئابوورێکان، توجارەت، سەنعەت، موخابرات و ....هتد نیشان دەری بێ سنوور بوونی ئەرک و کارکردەکانی سوپای پاسدارانە.
سپای پاسداران وەک هێزێکی نیزامی-ئایدۆلۆژیک بۆ کردەوە و ڕاسپاردنی ئەرکەکانی لەژێر کارتێکەری ئایدۆلۆژی فەرمی حکوومەتی ئیسلامی دایە، ئەو ئایدۆلۆژیە فۆرمێک لە پێناسەی لە "خود"ی حەق وەک بوونێکی موسوڵمانی شیعەی جەعفەری باوەرمەند بە ویلایەتی موتڵەقەی فەقیە هەیە و هەر وەها فۆرمێکیش لە پێناسە لە دەلاقەی خوی را لە "ئەوی‌تری" باتڵ هەیە، واتە لەژێر تیشکی ئەو ئایدۆلۆژیە بوونەکان یان خودێکی موسوڵمانی شیعەی جەعفەری باوەرمەنەد بە ویلایەتی موتڵەقەی فەقیەن یان ئەوێکی تری دژبەر و باتڵ کە پێویستە لەناو بچن، ڕیبەر، پێشەوا و ڕێنوێنی مەعنەوەی و ڕواڵەتی ئەو هێزەش ڕیبەری شۆرش و ولی فەقیهی هەر زەمانێکە کە خۆی بە جیگرەوەی ئیمامی زەمان دەناسێنیت و ئەرک وەزیفەی خۆی بڵاو کردنەوە حەق لە جیهان و بەربەرەکانی لەگەڵ باتڵ بۆ ڕەخساندنی بەستێن بۆ گەرانەوەی ئیمامی غایب و بەدەستەوە گرتنی چلەوەی دەسەڵاتی سیاسی و ئایینی بە مەبەستی لەناو بردنی دائیمی باتڵ دەزانێت.
لیکەوتەکانی بەتێرۆریست ناساندنی سپای پاسداران:
بێ گومان بەو پێشەکیەی باسی لێوەکرا، ئەو کردەوەیە تەنیا ئامانجی پێکانی ریکخراوە و سازمانێکی نیزامی نیە بەڵکە کاتێک باس لە تێرۆریست بوونی سپای پاسداران دەکرێ، بە حوکمی ئەوەیکە رێبەر و فەرماندەری یەکەمی ئەو رێکخراوەیە رێبەری کۆماری ئیسلامی وەک وەلی فەقیە و جێنشینی ئیمامی زەمانە، کەوابێ بە مانای بە تێرۆریست ناساندنی رێبەری کۆماری ئیسلامیشە، بەتێرۆریست ناساندنی ریبەرۆ کۆماری ئیسلامی بە مانای بەتێرۆریست ناساندنی ئایدۆلۆژی سیاسی کۆماری ئیسلامی و لەویش بنەڕەتی‌تر ئەو فۆرم و ڕوانگە ئایینییە کە بەرهەمەکەی کۆماری ئیسلامیە واتە شیعەی جەعفەری باوەرمەند بە ویلایەتی فەقیە، لە هەمان کاتیشا ئەو ڕەوتە بە مانای بەئامانجی نیزامی گرتن و شەرعییەتی یاسایی بەخشین بە هەرجۆرە کردوەیەکی نیزامی بەدژ ئەو لایەنەیە کە وەک تێرۆریست ناسێندراوە، واتە بە ئامانجی نیزامی گرتن و پێکانێتی. هەڵبەت ئەوە بەو مانایە نیە کە لە کورت خایەندا ڕووبەڕوو بوونەوەیەکی نیزامی ڕویی بدات، بەڵام ئەوە بە مانای بەیاسایی و بەشەرعی کردنی حەول بۆ لەناو بردنی کۆماری ئیسلامی بە هۆی عەول بۆ لەناو بردن و ڕووبەروو بونەوە و پێکانی سوپای پاسدارنە وەک هێزی پارێزەری کۆماری ئیسلامی.

ڕۆژەڤ بابەت: ئەگەری گۆڕینی دوکتورینی ڕێژیم لە پێوەندی لەگەڵ پرسی ناوکی

 لەم ووتووێژەدا بەکورتی تیشکم ختۆتە سەر پرسی ناوەکی ئیران لێکەوتە و دیاردەکانی